АРГАИЛ барагынын баштапкы кодун көрүү

'''АРГАИЛ –''' Австралиядагы алмаздын ири кени, Батыш Австралия штатында, Кунунарра шаарынан 120 ''км'' түндүк-чыгыш тарапта; запасы <span cat='ж.кыск' oldv='ж-а'>жана</span> казып алуу көлөмү боюнча дүйнөдөгү ири кен. 1979-жылы ачылган (дүйнөдөгү кимберлит эмес типтеги түпкү кен), 1981-жылдан ачык түрүндө иштетилет. 2007-жылдан жер астынан казып алуу пландаштырылууда. Калган запасы 170,4 млн карат, кенташтагы алмаздын орточо өлчөмү 2,77 карат. Кен протерозойдун кыймылдуу зонасында жайгашып, соңку протерозой – алгачкы архей жиреп чыккан <span cat='ж.кыск' oldv='ж-а'>жана</span> метаморфизмделген тоо тектер оливиндүү лампроит түтүкчөсүндө жатат. Түтүкчөнүн узундугу 2 ''км,'' туурасы 500 ''м'' (250–280 мден 100 мге чейинки тереңдикте). Алмаздын сапаты төмөн: зергерлик 5%, субзергерлик 40%, калганы техникалык алмаз; орточо массасы 0,08 карат (ириси 28 карат), орточо баасы 9,5 доллар/карат. Өңү күрөң түстүү (80%ке чейин), калганы сары <span cat='ж.кыск' oldv='ж-а'>жана</span> түзсүз (15–20%), сейрек кездешкени кызгылт түстүү (бриллиант массасы 0,95 карат, дүйнөлүк эң кымбат баада сатылган – 900 миң доллар/каратка).
[[Категория:1-Том]]