АМЕРИКА-МЕКСИКА СОГУШУ барагынын баштапкы кодун көрүү

 – 1846–48-ж.
АКШнын Мексикага каршы согушу. 1835-ж.
Мексиканын Техас штатында амер. плантаторлор козголоң чыгарышып, 1836-ж. Техас
Мексикага көз каранды эмес мамлекет деп жарыялашкан. 1845-ж. Техас АКШнын курамына
кошулган. АКШ ал аймактын чегин андан ары
кеңейтүү максатында 1846-ж. 13-майда Мексикага каршы согуш ачат. Согуштун башталышында амер. аскерлер Нью-Мексиканы,
Калифорнияны каратып алышкан. Ал эми Түн.
ж-а Борб. Мексикада жерг. эл катуу каршылык
көрсөтүшүп, көп жоготууларга учураган. 1847-ж.
Веракрус портуна амер. десант түшүрүлүп,
мамлекеттин борб. – Мехико ш-на чабуул башташкан ж-а ошол эле жылы шаарды басып
алышкан. 1848-ж. февралда эки мамлекеттин
ортосунда Гуадалупе-Идальго келишими түзүлгөн соң согуштук аракеттер токтотулуп, келишимдин шарты б-ча Мексика жарымынан
көбүрөөк аймактарынан ажыраган (алар кийин
Нью-Мексико, Аризон ж-а Калифорния штаттары деп аталып калган), ал эми АКШ Мексикага 15 млн доллар өлчөмүндө компенсация
төлөгөн.<br>