АЛЫСТЫ НАЧАР КӨРҮҮ барагынын баштапкы кодун көрүү

  миопия- көздүн
рефракциясынын (жарыктын сынышынын)
жетишсиздигинин кесепетинен көрүү кемчилдиги; алысты бүдөмүк көрүү. Мында алыс нерседен келген нурлар көздө сынгандан кийин көздүн
торчо кабыгында эмес, ага жетпей фокуста чогулат. Ошондуктан нерсенин көрүнүшү так болбой алысты көрүү начарлайт. Ага жарыктын
жетишеиздиги, бир нерселерди өтө жакын коюп
иштөө (китеп окуу, жазуу, иш кылуу ж. б.) себеп болот. Көбүнчө мектеп жашынан башталып,
улам начарлай берет. Мында көз бат чарчайт,
көп окуганда же жазганда көздүн үстү ооруйт.
Бул кемчилик «чачыратуучу» иймек линза көз
айнеги м-н оңдолот. Көз айнек көзгө күч келгенден келип чыккан жагымсыз сезимдерди жоготот. Анын алдын алуу үчүн гигиеналык шарттарды сактоо, көрүүгө ыңгайлуу шарт түзүү,
көзгө күч келтирбөө зарыл. Жакындан же начар жарыкта окууга болбойт. Эгер ал башталса
аны токтотуу же андан ары өөрчүшүн азайтуу
үчүн көзгө атайын көнүгүүлөрдү жасоо, врачтын
көрсөтмөсүн так аткаруу өтө маанилүү. Ал
күчөп, кадимки көз айнек жардам бербесе, көздүн тунук челине иймектүү линза орнотулат.
Алысты начар көргөндөр оор нерсе көтөрүүгө,
спорттун оор түрлөрү м-н машыгууга болбойт.