АБД АЛЬ-АЗИЗ барагынын баштапкы кодун көрүү

'''АБД АЛЬ-АЗИЗ''' ибн Сауд, Абдул-Азиз ибн Абдуррахман ибн Фейсал Ал Сауд (15. 01. 1876, Нежд эмираты, Эр-Рияд ш. – 9. 11. 1953, Сауд Арабиясы, Эр-Рияд шаары) – Сауд Аравиясын негиздөөчү <span cat='ж.кыск' oldv='ж-а'>жана</span> анын биринчи королу. Сауд династиясынан чыккан. 1902–1926-жылдары Эр-Рияд, 1913–1926-жылдары Нежд жана Эл-Хаса, 1926-жылдан Хижас эмирликтеринин эмири. 23. 09. 1932-жылы Нежд менен Хижаз бириктирилгенден кийин өлкө Сауд Арабиясы болуп аталып калган. Алгач Жакынкы Чыгыштагы эң жакыр өлкө болуп саналган, 1933-жылы америкалык «Стандарт ойл оф Калифорния» мунай компаниясы <span cat='ж.кыск' oldv='м-н'>менен</span> чалгындоо, нефти өндүрүү <span cat='ж.кыск' oldv='ж-а'>жана</span> сатуу боюнча келишим түзгөн. 1938-жылы Арабия жарым аралында нефтинин зор кени ачылгандан баштап, кирешелүү өлкөгө айланган. 2-дүйнөлүк согуш мезгилинде нейтралитетин сактап, Жакынкы Чыгыштагы жаңжалдар учурунда палестиналыктарды колдогон. Ал еврей мамлекетин түзүүгө каршы турган Араб мамлекеттер лигасынын лидерлеринин бири. Архаикалык араб коомун өзгөртүү максатында мамлекеттик интернаттарды ачып, заманбап армия түзгөн. Эр-Риядды Перс булуңунун жээги <span cat='ж.кыск' oldv='м-н'>менен</span> туташтырган биринчи темир жол ачылган.<br>