КЕЛЬТТЕР барагынын баштапкы кодун көрүү

<b type='title'>КЕЛЬТТЕР</b> , г а л л д а р – тили жана маданияты жагынан индиевропа тилине жакын байыркы уруулар тобу. Биздин заманга чейинки 1-миң жылдыктын 2-жа&shy;рымында Альп тоолорунун түндүк жана батыш та&shy;рабында (Франция, Бельгия, Швейцария, Түштүк Германия, Австрия, Чехия, Венгрия, Болгария, Түндүк Италия, Түндүк  жана Батыш Испания, Бри&shy;тан аралдарынын азыркы аймагы) жашаган. Римдик&shy;тер кельттерди <i>галлдар</i> деп аташкандыктан, алар жашаган жерлер <i>Галлия</i> деп аталып калган.<br>Биздин заманга чейинки VI–V кылымдарда кельттерде уруулук түзүлүш ыдырап, уруу ак сөөктөрү бөлүнүп чыккан. Кельттер. гальштат маданиятын (биздин заманга чейинки 900–400) жана латен маданиятын (биздин заманга чейинки 1-миң жылдыктын 2-жарымы) түзгөн. Кельттер кийин ибер, иллирия, фракия жана башка уруулар менен аралашкан. Биздин заманга чейинки II кылымда кельттер Түндүк Италия&shy;дагы римдиктердин кысымынан улам Чехия&shy;нын азыркы аймагына отурукташкан (ал уруу&shy;лар бойа, алар отурукташкан жер Богемия деп аталган). Кельттер. бойа, гельвет, белг, секван, лингон, эду, битуриг, арверн, аллоброг, сенон, тревер, бел&shy;ловак сыяктуу уруулардан турган. Ккельттер дыйкан&shy;чылык жана мал чарбачылык менен кесиптениш&shy;кен. Кельттерди римдиктер караткан соң (биздин заманга чейинки I кылымдын ортосу) романдаштырылган. Англия, Франция жана Бельгия элдеринин калыптанышында кельттердин этнос элементтери маанилүү роль ойногон.
[[Категория:4-том, 204-256 бб]]