КАРА КЫРГЫЗ АВТОНОМИЯЛУУ ОБЛУСУНУН РЕВОЛЮЦИЯЛЫК КОМИТЕТИ барагынын баштапкы кодун көрүү

<b type='title'>КАРА КЫРГЫЗ АВТОНОМИЯЛУУ ОБЛУСУНУН РЕВОЛЮЦИЯЛЫК КОМИТЕТИ</b> – Кара
Кыргыз АОнун (к. <i>Кара Кыргыз автономиялуу облусу</i>) 1924-ж. 21-октябрдан 1925-ж. 30-март&shy;ка чейин башкарган убактылуу бийлик орга&shy;ны. РСФСР БАКтын Президиумунун чечими м-н түзүлүп, ага И. <i>Айдарбеков</i> башында турган 17 киши кирген. К-т адегенде Ташкент ш-нда жайгашып, 1924-ж. декабрда Пишпекке көчкөн.<br>
Анын негизги милдети – обл. бийликтин
мамл. аппаратын түзүү ж-а жөнгө салуу, Совет&shy;тердин уюштуруу съездин даярдоо ж-а аны өт&shy;көрүү болгон. Мамл. пландоо комиссиясын тү&shy;зүп, чарба, экон., финансылык ж. б. маселени колго алган ж-а Кырг-ндагы калктын санын, улуттук курамын ж-а малдын санын, жер аян&shy;тын, токой байлыктарын тактоо б-ча иштер ат&shy;карылган. 1924-ж. 22-ноябрда уюштуруу масе&shy;лесин тейлөө үчүн Аттестациялык комиссия түзүлүп, борборду, округду, районду башкаруу&shy;га кадрлар тандалган. Ревкомдун алдында 14 бөлүм иштеген (админ., дыйканчылык, сот, прокуратура, саламаттык сактоо, билим берүү, ички иштер, жумушчу-дыйкан инспекциясы ж. б.). Пленардык жыйындарда кабыл алын&shy;ган чечимдер мыйзам күчүнө теңелип, бардык мамл. мекеме ж-а коомдук уюмдар үчүн сөзсүз аткарылууга тийиш болгон. Мис., 1924-ж. 12- ноябрдан 1925-ж. 15-мартка чейин 51 жыйын


өтүп, анда 665 маселе б-ча чечим чыгарылган. 1925-ж. Советтерге шайлоо өткөрүлүп, округ, район, болуштуктарда аткаруу к-ттери шайлан&shy;ган. Ошол эле жылдын 27–30-мартында Кыр&shy;гыз АО Советтеринин 1-уюштуруу съезди өткөн. Съезд И. <i>Айдарбековдун</i> отчётун угуп, к-ттин ишин канааттандырарлык деп тапкан. Съездде
11 кишиден турган Облаткомдун президиуму (төрагасы А. <i>Орозбеков</i>) шайланган.


Ад.: История Киргизской ССР с древнейших времен до наших дней. В 5-и томах. Ф., 1986; <i>Курманов З. К.</i> Политическая борьба в Кыргызстане: 20-е годы. Б., 1997; <i>Жуманалиев А.</i> Политическая история Кыр&shy;гызстана (Становление политической системы Кыр&shy;гызского общества). Б., 2005.
[[Категория:4-том, 101-153 бб]]