КӨРКӨМ CҮРӨТ АКАДЕМИЯЛАРЫ
КӨРКӨМ CҮРӨТ АКАДЕМИЯЛАРЫ – пластикалык искусствонун илимий-чыгармачылык мекемеси; жогорку көркөм сүрөт мектеби. XVI кылымда Италияда пайда болгон Көркөм сүрөт академиялары антика искусствосун, Кайра Жаралуунун улуу чеберлеринин ыкмаларын таанып-изилдеген жана сүрөттү искусствонун башаты катары аздектеген сүрөтчүлөрдүн эркин бирикмеси болгон. 1648-жылы Парижде негизделген алгачкы Живопись жана айкелдин королдук академиясы француз искусствосунун өнүгүшүнө чоң таасир тийгизген. XVII–XVIII кылымдарда Париж академиясынын үлгүсүндө бир катар Европа мамлекеттеринде (Венада, 1692; Берлинде, 1694; Лондондо, 1768). Көркөм сүрөт академиялары түзүлгөн. Россияда 1757-жылы Петербургда негизделген. 1933-жылы жогорку окуу жайы болуп эсептелген Бүткүл россиялык Көркөм сүрөт академиялары ачылып (Ленинградда), 1947-жылы CCCР көркөм сүрөт академиясы түзүлгөн. Кыргыз Республикасынын улуттук Көркөм сүрөт академиясы 1995-жылы Бишкекте ачылган.