КӨБӨӨ

КӨБӨӨ – кийим (ичик, кементай, тон, чепкен, тери шым, белдемчи жана башкалар), баш кийим (кал­пак, шөкүлө жана башкалар), бут кийим жана үй буюмда­рынын (күзгү кап, аяк кап, баштык, төшөк, көлдөлөң жана башкалар) айрым бөлүктөрүнүн (жака, этек, жең, багалеги, кырбуу, конч жана башкалар) жээги­не карматылган кыюу. Көбөө катары кездеме, киш, көрпө, кийиз, таар пайдаланылган. Жасалган буюмга ылайыкталып, айрым көбөөлөр саймала­нат. Көрпө, териден жасалган буюмдар кездеме м-н көбөөлөнөт. Эл арасында: «Көбөө келсе көйкөлөт, жака келсе жайкалат» деген макал ошон­дон улам айтылса керек.