КҮРМӨНТҮ

КҮРМӨНТҮ – Ысык-Көл обл-нун Түп р-нундагы кыштак. Сары-Булак айыл округуна караш­туу. Күнгөй Ала-Тоонун этегинде, Түп булуңу­нан түндүгүрөөк, Күрмөнтү суусунун ж-а Балыкчы – Каракол автомобиль жолунун боюнда, деңиз деңг. 1789 м бийикте жайгашкан. Райондун борбору Түп кыш-нан 8 км түн.-батыш та­рапта. Балыкчы т. ж. бекетинен 182 км. Калкы 3041 (2009); негизинен дыйкан ж-а мал чарбала­рында эмгектенет. Күрмөнтү цемент з-ду, тур­муш-тиричилик кызматынын бөлүмдөрү, соода түйүндөрү иштейт. Орто мектеп, китепкана, бала бакча, мад-т үйү, оорукана бар. Кыштакта илимпоз, тарыхчы, коомдук ишмер К. Каракеев туулган.