КЫРГЫЗ АССР БОРБОРДУК АТКАРУУ КОМИ
КЫРГЫЗ АССР БОРБОРДУК АТКАРУУ КОМИ - – респ-нын жогорку мыйзам чыга руу, башкаруу ж-а контролдоочу органы. 1926-ж. 8–18-ноябрдагы Бүткүл союздук БАКтын 3-сессиясынын чечимине ылайык кабыл алынып, 1927-ж. 1-марттагы РСФСР ЭКСинин «Кыргыз АССРинин мамлекеттик түзүлүшү жөнүндө» токтому м-н бекитилген. К. АССР БАК Советтердин респ. съезддери тарабынан шайланган ж-а Кыргыз ССРинин Конституциясы кабыл алынганга чейин (1937) иш алып барган. К. АССР БАК сессиялар аралыгында декрет, жобо, токтомдорду чыгарса, Президиум милдеттүү түрдө респ-нын өкмөтү сунуштаган бардык жобо, токтом, мыйзам долбоорлору м-н респ. бюджетти карап, бекитип турган ж-а алардын аткарылышын контролдогон.
Ад.: Нурбеков К., Нуралиев Э. Высшие органы государственной власти Киргизской ССР. Ф., 1962; Нурбеков К. Возникновение киргизской советской национальной государственности. Ф., 1964; У истоков кыргызской национальной государственности / Под ред.: Т. К. Койчуева, В. М. Плоских, Т. У. Усубалиева.) Б., 1996; Кыргызская государственность в XX веке (Документы, история, комментарии) /Сост. А. Джуманалиев. Б., 2003.
К. Алымкулов.