КСЕНОЛИТТЕР

КСЕНОЛИТТЕР (гр. xtnos – башка, чоочун жана lithos – таш) – магмалык тектердин ичине ку­рамы башка тектердин кирип калышы. Жер кыртышынын терең бөлүгүнөн көтөрүлүп келе жаткан магмага мурда пайда болгон тектердин кесек бөлүкчөлөрү аралашып, толук эрибей кал­са, биздин көзүбүзгө «жамаачы» сыяктанып кө­рүнөт. Ар кандай чоңдукта болот. Тоо тектер­дин пайда болуу жашын аныктоодо мааниси зор.