КОРГОНУУ ЗАРЫЛДЫГЫ

КОРГОНУУ ЗАРЫЛДЫГЫ – кылмыштуулук­ту жокко чыгаруучу (актоочу) жагдайдын бири. К. з. чегинен ашпаса, анда мыйзам ченемдүү болуп эсептелинет. К. з-нын шарты б-ча: 1) кор­гонуу чегинен чыкпастан, кол салуучуга зыян келтирүү жолу м-н адам, коом ж-а мамлекет­тин кызыкчылыгын кол салуудан коргоо керек; 2) кол салуу коомго коркунучтуу болууга ти­йиш. Кол салуу жүрүп жатканда же түздөн-түз, реалдуу коркунуч туулганда ж-а кол салуу анык болгондо гана К. з. келип чыгышы мүмкүн. Ал кол салуунун белгилери ж-а коркунучтун туу­лушуна карата аныкталып, ошого жараша же­ңилдетүү же оордотуу жазалары каралат.

К. А. Бодобаев.