КОНСЕНСУС

КОНСЕ́НСУС (лат. consensus – макулдук, бир пикирдүүлүк) – эл аралык конф-яларда ж-а кеңешмелерде активдүү түрдө каршылык билди­рилбеген учурда, формалдуу добуш берүүнү өткөрбөстөн эле катышуучулардын жалпы макулдугунун негизинде чечимдерди же келишимдерди кабыл алуу. К. методу БУУнун бир катар органдарында кабылданган, ал өткөргөн эл аралык конф-яларда ж-а кеңешмелерде колдонулат. 1975-ж. Европадагы коопсуздук ж-а кызматташтык б-ча кеңешмеде кардиналдуу чечимдерди кабыл алуу учурунда пайдаланылган. Саясий планда алганда ар түрдүү саясий күчтөрдүн ортосундагы жаңжалдарда сүйлөшүүлөр аркылуу ар тараптан өз ара элдешүүлөргө баруу м-н бир пикирге келүү жолу.