КЕҢКОЛ БАЗАЛЬТ КЕНИ

КЕҢКОЛ БАЗА́ЛЬТ КЕНИ Талас районунда, Талас шаарынан 28 км, Кара-Жылга тоосунун түндүк капта­лында, деңиз деңгээлинен 2100 м бийикте. 1991-жылы геологиялык карта түзүү маалында табылган. Туурасы 150 м­ден 600 мге чейин, узундугу 2,6 км болгон линза сы­мал базальт теги палеогендин көк турпак сви­тасында жатат. Базальттан экинчи категория­дагы минералдык була алууга болот. Болжол­дуу ресурсу 21 млн м³.