КЕЧИРИМ БЕРҮҮ
КЕЧИРИМ БЕРҮҮ – күнөөлүү бир же бир нече адамга КРдин Президенти тарабынан берилген мунапыс. Соттолгон адам, ошондой эле анын бир туугандары, мамлекеттик эмес уюмдар, көзөмөлдөө комиссиясы ж. б. КРдин Президентине кечирим берүү жөнүндө өтүнүч м-н кайрылууга укуктуу. Кечирим берүү жөнүндө өз атынан өлкө башчысы да көтөрүшү мүмкүн. Кечирим берүү актысы боюнча: 1) соттолгон адам андан ары жазасын өтөөдөн толугу м-н бошотулат; 2) соттолгон адамдын жаза өтөө мөөнөтү кыскартылат; 3) соттолгон адамга коюлган статья кыйла жеңилдетилет; 4) эркинен өмүр бою ажыратылгандар үчүн жаза өтөө мөөнөтү 30 жылга алмаштырылышы мүмкүн. Эркиндигинен толук ажыратылган адамга белгиленген жазанын кеминде жарымын өтөгөндөн кийин, ал эми соттолгон адамдарга соттун өкүмү күчүнө киргенден кийин кайрылууга укук берилген.
К. А. Бодобаев.