КЕРБЕЛЬ
КЕ́РБЕЛЬ Лев Ефимович [25. 10 (7. 11). 1917, Украина, Сумы облусу, Семёновка кыштагы – 14. 8. 2003, Москва] – советтик айкелчи, СССР мамлекеттик сыйлыгынын лауреаты (1950). СССР эл сүрөтчүсү (1977), СССР сүрөт академиясынын анык мүчөсү (1962). Монументалист портретчи. Социалисттик Эмгектин Баатыры (1985). 1962-жылдан Москва көркөм сүрөт институтунда окутуучу, профессор (1963) болгон. Көптөгөн аскер адамдарынын, космонавттардын, эмгекчилердин, окумуштуулардын, мамлекеттик ишмерлердин портреттерин жараткан:
«Жеңиш парады», «Ленинди угуп жатышат» (гипс, 1948–1949; СССР мамлекеттик сыйлыгы, 1950); Советтер Союзунун эки жолку Баатыры В. С. Петровдун (мармар, 1951), Социалисттик Эмгектин Баатыры К. С. Мухтарованын (мармар, 1954), В. И. Лениндин Горькийдеги (гранит, 1959), К. Маркстын Москвадагы (гранит, 1961; Лениндик сыйлык, 1962), Карл Маркс Штадттагы (азыр Кемниц; коло, 1971) жана башка эстеликтердин автору. Ленин ордени менен сыйланган.