КЕНТАШ ФОРМАЦИЯЛАРЫ

КЕНТАШ ФОРМАЦИЯЛАРЫ – тектоникалык ири түзүлүштөгү (антиклинорий, синклинорий, ан­теклиза, ортоңку массив, калкан, терең жара­калар), бирдей генезистеги, бир же бир нече кен­таштан турган зор аймак. Бир нечеси биригип, кенташтуу провинцияны түзөт. Бүктөлүү айма­гындагы тектоникалык терең жаракалар м-н тыгыз бай­ланышта болуп, узатасынан созулуп жатат. Узундугу ондогон, миңдеген кмге, туурасы бир нече кмден жүздөгөн кмге жетет. Катмар түрүндө бүтүндөй бир аймакты ээлеп жатса кенташ бассейни деп аталат. Пайда болуу мезгилине, геологиялык түзүлүшүнө, тектоникалык процесстерге жараша кенташтуу район­дорго, талааларга, зоналарга бөлүнөт.