КАРАПЧЫ

КАРАПЧЫ – байыркы жоокерлердин коргонуу куралы. Ал билекке, колдун кырк муунунан чыканакка чейин кийгизилген. Карапчы алгач катуу жыгачтан, булгаары же кайыш капталган ши­риден, кийин металлдан жасалган. Чокмор, шылк этме, ай балта, кылыч, канжар окшогон куралдардан коргонуу үчүн колдонулган. Карапчыны атчан жоокерлер пайдаланган. Атма куралдар чыккандан кийин карапчы пайдаланылбай калды.