КАРАГОЙ МӨҢГҮСҮ

КАРАГОЙ МӨҢГҮСҮ – Кичи Алай кырка тоо­сунун түндүк капталындагы татаал өрөөн тибин­деги мөңгү. Араван-Сай суусунун алабында. Узундугу 7,2 км, аянты 4,8 км². Мөңгүнүн башы деңиз деңгээлинен 4800 м, этеги 3600 м бийикте жатат. Кар чегинин бийиктиги 4200 м. Абляциясынын аян­ты 3,5 км². «Тили» морена чөкмөлөрү м-н ту­таш капталган. Мөңгүдөн Кыргыз-Атанын ба­шаты – Карагой суусу башталат.