КАПИТУЛЯЦИЯ

КАПИТУЛЯ́ЦИЯ – 1) жеңген тараптын койгон шартына ылайык командачылардын өз ара сүйлөшүүлөрү боюнча жеңилген тараптын бардык аскерлеринин согуш майданынын бүт жеринде каршылык көрсөтүшүн токтотуп, багынып бе­риши; капитуляция убагында эреже катары, бүт согуштук курал м-н аскердик мүлк олжолонуп, өздүк ку­рам туткун катары жеңген тарапка өткөрүп бе­рилет; 2) эл аралык укукта согушуп жаткан мамлекеттин куралдуу күрөшүнүн топтолушу ж-а куралдуу күчтөрүнүн душманга өткөрүлүп берилиши. Капитуляция жарыялаган мамлекетке саясий, экономикалык, согуштук милдеттер жүктөлөт. Жеңген мамлекет жеңилгендин жогорку бийлигин убактылуу колго алып, баскынчылык тартип орнотот.