КАЙНАР (Кара-Буура районундагы кыштак)
(КАЙНАР барагынан багытталды)
КАЙНАР – Талас облусунун Кара-Буура районундагы кыштак. Көк-Сай айыл округуна караштуу. Деңиз деңгээлинен 1190 м бийикте жайгашкан. Райондун борбору Кызыл-Адыр кыштагынан 65 км батыш тарапта. Маймак темир жол бекетинен 35 км. Кыштак 1929-жылы негизделген. Калкы 1549 (2022); негизинен мал м-н алектенип, дыйкан чарбаларында эмгектенет. Негизги мектеп, китепкана, ФАП бар. Соода түйүндөрү, тегирмен иштейт.