КАДЫРОВ Вагап
КАДЫРОВ Вагап Кадырович [1915, Казакстан Республикасы, Семипалатинск шаары (учурда Семей) – 28. 07. 1993, Бишкек] – география илимдеринин доктору (1973), профессор (1977). 1937-жылы Фрунзе педагогика институтун, 1939-жылы аспирантурасын бүтүргөн. Улуу Ата Мекендик согуштун катышуучусу. КР ИАда, суу чарба институтунда, ВНИИКАМСте бөлүм башчы болуп эмгектенген. Гидрохимия боюнча 150дөн ашык илимий эмгектин, анын ичинде бир монографиянын автору. Кызыл Жылдыз ордени м-н сыйланган.
Эмг.: Чүй өрөөнүнүн коллектордук-дренаж суусунун химиялык курамы Б., 1970; Ысык-Көл ойдуңунун дарыяларынын гидрохимиялык өзгөчөлүктөрү (авторлош), 1971; Ысык-Көлдүн жээк зонасынын пайнап суулар м-н булганышынын мүнөздөмөсү. Б., 1978; Ысык-Көлдүн суусунун өзүн-өзү тазалоо мүмкүнчүлүгү. Б., 1983; Ысык-Көлдүн ж-а анын алабынын гидрохимиясы. Б., 1986.