ИЧ КАТУУ

ИЧ КАТУУ – узакка (48 сааттан ашык) заңда­бай калуу; ичеги маалы м-н арылбай, кыйна­лып заңдоо. Ич катуу көптөгөн оорулардан, айла­на-чөйрөнүн зыяндуу таасиринен, начар тамак­тануудан келип чыгат. Дени соо адамдын заң­доосу тамактанышына, жашоо шартына ж-а көнүмүш адатына жараша ар кыл болот . Көпчүлүк адамдар суткасына бир жолу заңда­шат. Ич катуу көбүнчө аялдарда, улгайган адамдарда кездешет. Ал ичегинин ишин нервдик жөнгө салуу начарлоодон, туура эмес тамактануудан, борбордук нерв системасынын кээ бир ооруларында, кыймылсыздыктан, ичегинин сезгенишинен, жоон ичегинин тубаса начар өөрчүшүнөн, эндокриндик ж-а психикалык, ошондой эле денедеги туз ж-а суу алмашуунун бузулушунан ж. б. бо­лот. Ич катуунун пайда болушуна шарттуу ж-а шар­тсыз рефлексттердин, ички бездердин начарла­шы ж. б. факторлордун да мааниси чоң. Ал өз алдынча оору же башка оорунун белгиси болу­шу мүмкүн. Анын катуу кармаган ж-а өнөкөт түрлөрү бар. Тамактануунун бузулушунан ич катуу көп кездешет. Ага узак убакыт бир өңчөй та­мактануу, аз кыймылдоо ж-а тиштин начарлы­гы, суюктукту аз ичүү себеп болот. Дарылоо не­гизги себептерине жараша жүргүзүлөт. Алдын алууда маалы м-н тамактануу, тамак рациону­на жашылча-жемиштерди, сүт азыктарын, өсүм­дүк майын, бал кошуу зор мааниге ээ. Ошондой эле, эртең м-н курсакка күч келтирүүчү көнүгүүлөрдү жасоо, жүгүрүү, жөө жүрүү ж. б. ичегилердин иштешин жакшыртат.