ИО
Навигацияга өтүү
Издөөгө өтүү
ИО (Iо) – Юпитердин жандоочусу. 1610-жылы Галилей ачкан. Чоң жарым огу 421600 км, диаметри 3630 км, тыгыздыгы 3570 кг/м3. Ио м-н Европанын, Айдын өлчөмү бирдей, ал эми Ганимед м-н Каллистодон кичине. Америкалык «Вояджер» космос аппараты тарткан Ионун бетинин
сүрөтүндө бийиктиги 9 кмге чейин аска сыяктанган тектердин бетин каптап жаткан ачык түстөгү күкүрттүү катмар, атылып турган жанартоолор жакшы көрүнүп турат. Ио бетинде жаңы катмарлар пайда болуп турат ж-а кызгылтым темгилдер да бар, алар түпкүрдөн бууланып чыккан туздар деп божомолдонот. Анын адаттан тышкары өзгөчөлүгү – аны курчап турган калың газ булуту. «Пионер-10» космос аппаратынан алынган маалыматтар боюнча Ионун сейрек атмосферасы ж-а ионосферасы да бар.