ИНДИКАТРИСА

ИНДИКАТРИ́СА (лат. indicatrice – көрсөтүүчү) о п т и к а д а – жарык талаасынын мүнөздөмө­сүнүн (жаркырактык, полярлануу) же чөйрөнүн оптикалык чоңдуктарынын (чагылуу жөндөм­дүүлүгү, сынуу көрсөткүчү ж. б.) багытка көз карандылыгынын графикалык сүрөттөлүшү. Мисалы, полярланбаган жарык нуру нерсенин бе­тине түшкөндө, ар тарапка чачырайт. Чачыра­ган нурдун ургаалдуулугу чачыроо бурчуна көз каранды болот. Индикатрисаны алуу үчүн уюлдуу диаг­рамманын борборунан тийиштүү вектордун чоң­дугуна шарттуу масштабда туура келүүчү кесинди ченеп коюлат. Бул вектордун учу жаткан бет индикатриса болот. Оптикалык изотроптуу чөйрө үчүн индикатриса – сфера. Индикатриса бурчтук көз карандылыктын ана­лиздик туюнтмасы татаал же белгисиз болсо, ошондой эле экспериментте берилгенди системалашты­рууда пайдаланылат.