ЗЕЛАНДИЯ

ЗЕЛА́НДИЯ , Ш е л л а н н (герман тилдеринде See – «деңиз», Land – аймак, өлкө, тарап) – Балтика деңизиндеги эң ири арал. Даниянын аймагында. Аянты 7 миң км²ден ашык. Релье­фи дөбө-мореналуу түздүк (бийиктиги 126 мге чейин); көлү көп. Бук ж-а эмен токою өсөт. Ай­магынын көбү айдоо (тоют чөп, буудай, кант кызылча, картөшкө өстүрүлөт); сүт багытында­гы уй чарбасы бар. Зеландиянын чыгыш жээгинде ж-а ага жакын жаткан Амагер аралында Дания­нын борбору – Копенгаген ш. жайгашкан.