ЖАКЫПОВ Жеңиш
ЖАКЫПОВ Жеңиш Илебаевич [13. 10. 1954, СССР, Кыргыз ССРи, Ысык-Көл облусу, Рыбачье (азыркы Балыкчы) шаары].
– милициянын генерал-майору (2008). СССР Ички Иштер министрлигинин алдындагы Караганды жогорку мектебин (1976), Москва академиясын (1982) бүткөн. 1976–1978-жылдарда Нарын облустук ички иштер башкармалыгында кылмыш издөө бөлүмүнүн улук инспектору, 1978–1980-жылдарда Тогуз-Торо райондук ички иштер бөлүмүнүн начальнигинин орун басары, 1982–1984-жылдарда Нарын облустук ички иштер башкармалыгында социалисттик менчикти уурдоого жана алып сатарлыкка каршы күрөш бөлүмүнүн начальнигинин орун басары, начальниги, 1984-жылдан облустук ички иштер башкармалыгынын начальнигинин орун басары, 1988–1989-жылдарда Ысык-Көл облустук ички иштер башкармалыгынын социалисттик менчикти уурдоого ж-а алып сатарлыкка каршы күрөш бөлүмүнүн начальниги, 1989–1991-жылдарда Кыргыз ССР Ички Иштер министрлигинин кылмыш издөө башкармалыгынын начальниги, 1991–1998-жылдарда Ысык-Көл облустук ички иштер башкармалыгынын начальнигинин орун басары, начальниги, 1998–2003-жылдарда Нарын облустук ички иштер башкармалыгынын начальниги, 2003–05-жылдарда Кыргыз Республикасынын Ички Иштер министрлигинде кылмыш издөө башкы башкармалыгынын начальниги, 2006-жылы баңги заттарга каршы күрөшүү боюнча башкармалыктын начальниги, 2006–2008-жылдарда Кыргыз Республикасынын Ички Иштер министринин орун басары. 2008–2009-жылдарда Кыргыз Республикасынын Ички Иштер министринин Түштүк региону боюнча орун басары, 2010–2011-жылдары Кыргыз Республикасынын Ички иштер министрлигинин Укук жана криминалдык анализ башкы башкармасынын начальниги, 2011–2012-жылдары Кыргыз Республикасынын Өкмөтүнүн Аппарат жетекчисинин орун басары рангындагы коргоо, укуктук тартип жана өзгөчө кырдаалдар бөлүмүнүн башчысы, 2013–2014-жылдары Кыргыз Республикасынын Ички Иштер министрлигинин алдындагы академиянын началниги болуп иштеген. Медалдар менен сыйланган.