БАЙСАЛОВ
БАЙСАЛОВ Жоомарт Усубакунович (12. 01. 1949-жылы туулган, Ысык-Көл облусу, Ысык-Көл району, Темир айылы) – педагог, педагогика илимдеринин доктору (1998), профессор (2001). Пржевальск мамлекеттик пединститутунун физика-математика факультетин бүтүрүп (1970), Ысык-Көл районунда мугалим (1970–1971), республикалык мугалимдердин билимин өркүндөтүү институтунда методист (1971–1974), Кыргыз педагогика илим- изилдөө институтунда илимий кызматкер, бөлүм башчы (1974–1992), КМУУда доцент, кафедра башчысы (1990–1995, 1998–2002), И. Арабаев атындагы КМПУда кафедра башчысы (1995–1998), 2002-жылдан КМПУнун алдындагы педагогика жана психология институтунун директору. Байсалов математиканы жана информатиканы окутуунун теориясы жана методикасы боюнча 150дөн ашык илимий эмгек жараткан. Эмг.: Мектептин математика курсунун окуучуларды кесипке багыттоочу мүмкүнчүлүктөрү. Ф., 1989; Модульное обучение в профессионально-педагогической подготовки студентов. Б., 1997; Математиканы башталгыч класстарда окутуунун методикасы. Б., 2006.