БАЙЛАНЫШТЫН ИНТЕГРАЛДЫК САНАРИП ТАРМАГЫ
Навигацияга өтүү
Издөөгө өтүү
БАЙЛАНЫШТЫН ИНТЕГРАЛДЫК САНАРИП ТАРМАГЫ – сигналдарды экилик санарип түрүндө кабыл алуучу, таратуучу жана иштеп чыгуучу байланыш тармагы. Ал электрондук интегралдык микросхемалардын негизинде түзүлгөн. Интегралдык микроэлектроника бир жарым өткөргүч кристаллында ар кайсы электрондук функциялык элементтерди өтө тыгыз жайгаштыруу принцибине негизделген. Азыркы интегралдык микроэлектроникадагы, компьютер техникасындагы, спутник радио байланышындагы өсүш, аналог (үзгүлтүксүз) байланышынан кыйла ишенимдүү санариптик байланышка өтүүгө шарт түздү. Натыйжада санариптик телефон байланышы, санарип телекерсөтүүсү, бүткүл дүйнөлүк интернет тармагы кеңири жайылтылды.