АСАНАЛИЕВ Тилек
АСАНАЛИЕВ Тилек [04. 04. 1944, СССР, Тажик ССРи, Гарм облусу, Жерге-Тал (азыркы Лахш) району, Чоң-Кыргыз (азыркы Зарбог) айылы] – милициянын генерал-майору (1998), доцент (1997), юридика илимдеринин доктору (2013), Кыргыз Республикасынын Ички Иштер министрлигинин эмгек сиңирген кызматкери (1986), КРдин билим берүүсүнүн мыкты кызматкери (1997), Горький политехника институтун (1967), СССР ИИМдин Академиясын (1979) бүтүргөн. 1967–1968-жылдары Нарын шаарындагы ОП 36/7 цехинде технолог, 1968–1969-жылдары Кыргыз CCP ИИМинин Жаза өтөө башкармалыгында долборлоо-конструктордук бюросунда инженер-конструктор, 1969–1979-жылддарда Кыргыз CCP ИИМинин түзөтүү-эмгек мекемелери башкармалыгында техникалык бөлүмдүн инженери, улук инженери, 1979–1981-жылдары диспетчер бөлүмүнүн начальниги, 1981-жылы З-түзөтүү-эмгек колониясында саясий-тарбиялык иштер боюнча начальниктин орун басары, 1982–1991-жылдары 3-, 1-, 29-, 26-түзөтүү-эмгек колонияларынын начальниги, 1991–1999-жылдары жана 2000–2005-жылдары
KP ИИМдин Бишкек жогорку мектебинин начальниги, 1999–2000-жылдары KP ИИМдин кадрларды даярдоо борборунун начальниги, 2005–2007-жылдары Кыргызстан эл аралык университетинин ректору, 2007–2008-жылдары КРдин Премьер-министринин-кеңешчиси, 2008-жылдан Эл аралык билим берүү академиясынын ректору, 2011-жылдан Кыргызстан эл аралык университетинде окуу илимий өндүрүштүк комплексинин президенти. Медалдар менен сыйланган.