АРКОЛОГИЯ

АРКОЛОГИЯ, экологиялык архитектур а – шаарды пландаштырууда шаар калкынын экологиялык жанa социалдык-экономикалык муктаждыктарын толук эске алган архитектуранын жаңы багыты. Шаарларда жагымсыз экологиялык абал (чөйрөнүн уулуу заттар, таштанды жанa өнөр жай газдары, смог жана башка менен булганышы) түзүлүп, шаардыктар оору-сыркоого көбүрөөк чалдыгат. Ошондуктан Аркология калкты табиятка жакындатууга (турак жай массивдерин жашылдандыруу, эс алуу зоналарын, парк, фонтан жана башка рекреациялык объектилерди түзүү) аракет кылат. Ошондой эле имараттарды курууда курулуш материалдарынын сапатына көңүл бурулуп, адамдардын коопсуздугу сакталат.
Ад.: Вронский В. А. Экология. Словарь-справочник. Ростов-на-Дону. 2002.

Б. Үсөнканов.