АРАБАЕВ Эркин Ишеналиевич
АРАБАЕВ Эркин Ишеналиевич (10. 08. 1924, Жалал-Абад облусу, Жалал-Абад шаары – 23. 03. 1995, Бишкек) – экономист. Экономика илимдеринин кандидаты (1956), профессор (1968), Кыргыз ССРинин эмгек сиңирген экономисти (1974). 1943-1946-жылдарда комсомолдун Ак-Талаа райкомунун секретары, эмгекчилер депутаттарынын Кочкор райаткомунун жооптуу кызматкери, 1952-жылы К. И. Тимирязев атындагы Москва айыл чарба академиясын, ошол эле жерден аспирантураны бүтүрүп (1955), кийин анда окутуучу болуп иштеген. 1959-1962-жылдарда Кыргыз ССР ИАсынын экономика институтунда директордун орун басары, 1962-1979-жылдарда К. И. Скрябин атындагы АЧИнин ректору, 1984-жылдан кафедра башчысы, экономика боюнча КИИИнде директорго орун басар, ЖОЖдордо окутуучу болуп иштеген. Анын айыл чарбасын уюштуруу маселелерине жана экономикасына байланыштуу 70тен ашык илимий эмгеги жарыяланган. Кыргыз ССР Жогорку Советинин үч жолку депутаты (1967-1980). Эмгек Кызыл Туу, «Ардак Белгиси» ордендери жана медалдар менен сыйланган.