«КАЛЕВИПОЭГ»

«КАЛЕВИПО́ЭГ» – эстон элинин улуттук эпосу. Элдик уламыштар м-н ырлардын негизинде акын ж-а коомдук ишмер Ф. Крейцвальд түзгөн ж-а 1857–61-жылдарда басып чыгарган. Алгач жыйнаган Ф. Р. Фельман (1798–1850). «Калевипоэгдун» немисче ко­тормосу 1861-жылы жарык көргөн. Эпосто эстон кал­кынын баскынчыларга каршы күрөшү, мекенди сүйүү, орус эли м-н достук мамиледе болуу, про­гресске умтулуу идеялары чагылдырылган. Эпос дүйнөнүн бир топ тилдерине которулган.