КӨГАРТ 1

КӨГАРТ (фарсыча кух – бийик ж-а байыркы кырг. арт – ашуу; бийик ашуу маанисинде) – Сузак району аркылуу аккан суу. Кара-Дарыянын оң куймасы. Уз. 105 км, алабынын аянты 1370 км². Фергана тоо тизмегинин түш.-батыш капталынан башталып, Көгарт өрөөнү аркылуу агат. Ири куймалары: Кызыл-Суу, Кара-Март, Үрүм-Башы, Жошо, Кара-Алма ж. б. Кар, бу­лак ж-а жамгыр сууларынан куралат. Жыл­дык орт. чыгымы 18,3 м³/сек, эң азы январда 5,43 м³/сек, эң көбү май айында 58,8 м³/сек. Суусу апрелде кирип, августта тартылат. Сугатка пайдаланылат. Боюнда Мундуз, Жоон-Күнгөй, Сузак ж. б. кыш. жайгашкан.