ПАРАФРАЗА

ПАРАФРАЗА (грекче paraphrasis – сүрөттө, кайталоо) – 1. Белгилүү ырлардын, опералык ария жана башка обондордун негизинде жаралган аспаптык концерттик (ал көбүнчө фортепьяно үчүн иштелип чыгат) чыгарма. Адатта парафразага кирген обондор өтө чоң өзгөрүүлөргө кириптер болот. Ушунусу менен парафраза транскрипциядан айырмаланып турат. Парафраза өзгөчө XIX кылымда кеңири колдонулган. 2. Жалгыз үндүү обонду полифониялык ыкмада иштеп чыгууну билдирген түшүнүк. XIII–XIV кылымдарга таандык.