АЙДАРАЛИЕВ Асылбек Акматбекович
АЙДАРАЛИЕВ Асылбек Акматбекович [(1941-жылы туулган, Ысык‑Көл облусу, Пржевальск шаары (азыркы Каракол)] – физиолог, медицина илимдеринин доктору (1977), профессор (1988), КР УИАнын академиги, КРдин илим жана техника боюнча мамлекеттик сыйлыгынын лауреаты (1996), КРдин илимге эмгек сиңирген ишмери (1998), КРдин ыйгарым укуктуу элчиси.
КММИни бүтүргөн (1964). Кыргыз ССР ИАнын физиология жана эксперименттик патология институтунда, СССР ИАнын Ыраакы Чыгыш бөлүмүнүн Түндүктүн биологиялык проблемасы боюнча институтунун директору (1987–94). РИАнын Ыраакы Чыгыш бөлүмүнүн, «Арктика» эл аралык ИИБнын, ошондой эле Түндүк Чыгыш илимий борборунун төрагасынын орун басары болуп иштеген (1989–94). 1994‑жылдан Кыргызстандагы Эл аралык университеттин президенти. 2001‑жылдан КРдин президентинин алдындагы Too райондорун өнүктүрүү боюнча улуттук борбордун төрагасы. Илимий иштери экстремалдык абалдагы физиология, космос жана авиация медицинасына арналган.
Эмг.: Физиологические механизмы адаптации и пути повышения резистентности организма к гипоксии. Ф., 1978; Адаптация к экстремальным факторам среды: опыт прогнозирование (в соавторстве). Л., 1987;Экология человека на Крайнем севере (в соавторстве). Владивосток, 1996.