АССОЦИАЦИЯ (биологияда)

АССОЦИАЦИЯ, б и о л о г и я д а ‒ өсүмдүк жамаатын, б. а. фитоценозду классификациялоодо колдонулуучу негизги таксономиялык бирдик; бирдей чөйрө шарттарында өскөн өсүмдүктөрдүн өз ара байланышы жана флоралык курамы, түзүлүшү окшош өсүмдүк жамаатынын жыйындысы. Мис., Кыргызстандын талааларында ак шыбак А-сында ак шыбак үстөмдүк кылат. Жыл мезгилине жараша А-нын сырткы көрүнүшү түрдүү болушу мүмкүн. Ал андагы үстөмдүк кылган өсүмдүктүн атынан аталат.