АВТОЛИТОГРАФИЯ

АВТОЛИТОГРАФИЯ (гр. autos ‒ өзүм, lithos ‒ таш, grapho ‒ жазам, тартам) ‒ литографияны

О. Абсаттаров. «Сүйүү багы». 2004.

аткаруунун бир түрү. Бул ыкмада сүрөтчү тикеден-тике таштын өзү м-н иштейт ж-а ушул ыкма м-н аткарылган графикалык чыгарма да автолитография деп аталат. Сүрөтчү толугу менен, тактап айтканда, басмага басуунун толук технологиялык процессин литографиялык ташта көркөм иштөөнүн өзүн камтуу м-н аткарат. Ташты иштетүү ж-а басмада басуу уста-полиграфист аркылуу жүргүзүлөт. Ташка тартылган чыгарманын көркөмдүгү сүрөтчүнүн жеке изденүүсүнө ж-а таштын формасына, аспаптарды колдонуусуна жараша болот. КРдин Сүрөтчүлөр союзундагы басма графика өнөрканасы Австрия ж-а Швейцария өлкөлөрүнүн колдоосу м-н уюшулган (2005). А. Касымалиев.