АДЫЛОВ Султан

 Султан (1934‑ж. т., Ысык‑Көл обл., Жети‑Өгүз р‑ну, Желе‑Дөбө кыш.) – химик, химия илимд. кандидаты (1964), проф. (1991). КРдин илим ж‑a техника б‑ча мамл. сыйл. лауреаты (2000). Москвадагы Д. И. Менделеев атн. МХТИни (1957), СССР ИАнын Топчиев атн. нефть‑хим. синтез ин‑тунун аспирантурасын (1963) бүтүргөн. ФПИде улук мугалим, доцент, 1969-жылдан КМУнун орг. химия кафедрасынын башчысы  болгон. Ил. багыты бирикмелерди синтездөө ж‑a изилдөөгө арналган. 80ден ашык ил.эмгектери, а. и. монографиясы, 9 окуу китеби ж‑a окуу куралдары бар. Ж. Баласагын атн. сыйлыкты алган (1998). Эмг.: Сульфидообразование в условиях электро эрозии металлов (соавторстве). Фр., 1989; Органикалык химия (авторлош). Б., 1991; Органикалык бирикмелерди кычкылдандыруу калыбына келтирүү реакциялары. Б., 1991;. Органикалык химия (авторлош). Б., 1997; Органикалык химия курсу (авторлош). Б., 2003.