АСАНОВА Айсалкын

АСАНОВА Айсалкын (26. 12.1945-жылы туулган, Ысык-Көл облусу, Жети-Өгүз району, Тамга айылы) – экономист, экономика илимдеринин доктору (1990), профессор. Москва жеңил өнөр жай технология институтунун инженер-экономика факультетин бүткөн (1967). 1969-72-жылдары Г. И. Плеханов атындагы Москва эл чарба институтунда аспирантурада окуган. 1972-жылдан КУУнун экономика факультетинде окутуучу, доцент, кафедра башчысы, декан, 1999-жылдан менеджмент жана бизнес борборунун директору. 100дөн ашуун илимий эмгектердин автору. Аларда негизинен рыноктук экономикалык мамилелердин татаал процесстери, рынок экономикасы шартында өнөр жай, финансы жана банк системасын өнүктүрүү, экономиканы, менеджментти жана маркетингди мамлекеттик жөнгө салуу маселелери каралган.
Эмг.: Денежно-кредитная политика и банковская система. Б., 2000; Реформа экономического образования в Кыргызской Республике. Б., 1993; Проблемы налогооблажения в Кыргызстане. Б., 1998.