АВТОМАГИСТРАЛЬ

 (авто … ж-а лат. magistralis ‒ башкы), а в т о с т р а д а ‒ автомобилдердин тоскоолсуз тез жүрүшүнө арналган чоӊ жол. Ал шаардын ж-а өнөр жай борборло рунун чет жагына салынып, ага төмөнкүдөй талаптар коюлат: алдыда келе жаткан автомобилдер үчүн өзүнчө өтө турган жол тилкеси бөлүнүшү; бир деӊгээлдеги кесилиш жолдор

Бишкек — «Манас» аэропорту автомагист ралы.

болбошу; А-га кошулуучу же андан бурулуп кетүүчү автомобилдер үчүн атайын тилкеси болушу керек. Жолдун жүрүүгө жарактуу бөлүгүнүн кыймылдын ар бир багыты үчүн экиден кем эмес тилкеси болуп, бөлүп турган тилкеге атайын орнотулган тосмо м-н бирге анын кеӊдиги 5 мден кем болбойт. А. үчүн эстакада курулмасы мүнөздүү болот. Кыймыл көп болсо А-га туруктуу жарык берүү зарыл. Жүк ташуучу автомобилдер көп жүргөн учурда жеӊил жүк ташуучу автомобилдер ж-а автобустар үчүн өзүнчө жол бөлүнүүгө тийиш. Жол белгилери ж-а сигналдары б-ча Эл аралык конвенцияга (1968, Вена) ылайык А-дын башталышына ж-а аягына ата йын жол белгилери орнотулат (мис., Европада Женева ‒ Париж, Барселона ‒ Бильбао автострадалары, АКШда ‒ Лос-Анжелес ‒ Сан-Фран циско ‒ Сиэтл автострадасы; РФде Домодедово (Москва) аэропортуна барчу жол, «Дон» (Москва ‒ Ростов-на-Дону) жолу, Кырг-нда «Манас» аэропортуна барчу ж. б.) Ад.: Бабков В. Ф. Автомобильные дороги. М., 1983.