АЙДАРААЛЫ Бейшүкүр уулу

 Бейшүкүр уулу (лакап аты Айда­раалы Жөргөлөк; 1851, азыркы Талас обл., Кара­Буура р‑ну, Кызыл‑Адыр айылы – 1934, ошол эле жерде) – комузчу, куудул, ырчы. А‑нын ко­музга, ырга шыктуулугу, куудулдугу бала ча­гындаэле көрүнгөн. «Курманбек», «Кожожаш» өңдүү кенже эпосторду айтып, өзү да сатиралык мүнөздөгү ырларды чыгарган. Кыякчы, чоорчу да болгон. Ал калк арасына комузчулук өнөр м‑н таанылган. Элге кеңири белгилүү чыгарма­лары: «Ак кочкор каңкы», «Канышбек», «Сары барпы», «Иле менен Каратал», «Дубананын жар салганы», «Ак токту», «Сурнай күү» ж. б. Ал ар бир күүнү ыр м‑н коштоп, күүсүнүн ыргагына жараша кебете‑кешпирин кубултуп, топусун төбөсүндө ойнотуп, ордунда жөрмөлөп, кол ой­нотуп аткарган. Ошондуктан эл аны Айдараа­лы Жөргөлөк атка кондурган. «Дүнүйө», «Сен», «Сен дүнүйө», «Кол ойнотмо», «Айдараалынын алты кайырмасы» сыяктуу күүлөрдү чыгарган. Анын «Көйрөң күүсү» – комузчулар ансамбли­нин репертуарындагы негизги номерлерден.

Ад.: Алагушов Б. Кыргыз комузчулары жана комуз күүлөрү. Ф., 1961.