АДАМАЛИЕВ Кубанычбек

 Кубанычбек (1947-ж. т., Нарын обл., Кочкор р-ну, Кочкор айылы) ‒ хирург, медицина илимд. доктору (1996), проф. (1996). 1971-ж. КММИни бүтүргөн; ошол эле жерде окутуучу болуп иштеген. 120дан ашык ил. эмгеги балдар хирургиясына арналган, 4 окуу китебинин, 2 ойлоп табуунун автору. 1966-жылдан жазуучу катары да белгилүү. Анын «Кандаш адамдар» (1971), «Врачтын түшүнүгү» (1977), «Кечмелик» (1980), «Эненин ак сүтү» (1989) повесттер ж-а аӊгемелер жыйнагы, «Жүрөк кагуусун уланта берет» романы (1985), «Быйылкы жаз менин айылымда» (1973), «Шаттык» ж. б. ырлар жыйнагы ж-а поэмалары жарык көргөн.

Эмг.: Социальные проблемы и актуальные вопросы сепсиса у детей. Б., 1993; Инфузионная терапия сепсиса у детей. Б., 1993.